2009年9月26日，喺我地關係破裂第537日......

今日喺你讀嗰間學校嘅 Open Day，
當然我有去啦，
除左我自己想聽 Talk 之外，
都想試下搵唔搵到你，
你兩年前喺度讀high dip，
而家唔知喺唔喺讀緊學士呢，
或者已經離開左呢度......
我都喺博一博......

去到嗰間 U ，聽完我想聽嘅 talk 之後，
我就去你嗰個系聽 talk 同去你嗰個系嘅 lab，
睇下搵唔搵到你......
之後我差唔多反轉成間 U ，
都搵唔到......
唉......莫非我成世都見唔到你???

其實，我搵到你咁又點？
搵唔到你咁又點? 搵到你，
你當我透明咁又點？
同我嗌大交咁又點？
搵到你我有機會同佢講清楚咁又點？
講清楚之後做番朋友咁又點？
講清楚之後你都喺呢世都唔原諒我咁又點？
我寫咁多咁又點？

2009年10月9日，喺我地關係破裂第550日......

今日，喺你嘅生日，我祝你生日快樂，
同祝你同男朋友永遠幸福、快樂，
雖然你話永遠都冇朋友做，
或者我地呢一世都可能唔會見面......
無論你點對我都好，
我都會充心祝福你，
因此你喺我心目中都係其中一個好重要嘅人!!!
Happy Birthday!!!

2009年8月6日，喺我地關係破裂第487日......

好耐之前，同朋友行街嗰陣經過某條街，
見到有人起左個戲棚，好似話什麼誕(唔記得......sorry!!!)，
嗰度仲有D求籤嘅地方，我朋友就拉左去求籤，
我求左枝事業籤，都ok好，跟住就走，
朋友叫我再求籤，求愛情，
最後，我再求左枝愛情籤
相士面色一沉，心感不妙......
「呢支籤唔喺好得喎......」
「嗰女仔有男朋友啦，唔會再理你架啦......」
「冇架啦......」
籤文如下：

第90簽　中平　古人占驗：紅拂女私奔

細整殘粧夜欲奔。座中李靖更何人。
那知虯髯情鐘處。拔劍三回未敢陳。

仙機：
財難得。病可醫。
蚕與畜。得利微。
孕有驚。行歸遲。
宅平常。婚不宜。
謀望事。不可為。
問功名。要待時。

問風水：平淡無可取。
問遺失：雖尋亦難得。
問自身：修善保平安。
問天時：喜中有不美。
問出行：財利勿相爭。

解說及記載：

■紅拂女私奔

楊府歌妓紅拂女與李靖有情，兩人正准備漏夜私奔，偏偏虯髯客在這時出現，虯髯客與紅拂女以兄妹相稱，傾談中，李靖誤會虯髯客調戲她，阻礙他倆的私奔，三次拔劍要斬虯髯客，都被紅佛女阻止，彼此明白意向時，在虯髯客幫助下，三人一齊逃出楊府，結成“風塵三俠”，共同闖蕩江湖。

紅拂女、李靖、虯髯客，三人之間的微妙關系，藉此籤提醒我們，凡事要忍讓，不可魯莽行事，方能逢凶化吉。就簽而論，不為吉亦不為凶，不過無大礙，平淡而已。

唉......唔通連個天都要話比我知，
你永遠都唔會原諒我???

......

2009年4月6日，喺我地關係破裂第365日......

已經一年啦......
人地可以慶祝相識一周年、
拍拖一周年、拖手一周年......
而我呢??? 慶祝同你關係破裂一周年???
一年前嘅12點，你send左兩個massage比我
說我地呢一世都冇朋友做......
我真喺好傷心......
其實我知道我地呢一世都冇可能做番朋友，
甚至視我為仇人，敵人......
呢個喺我唔想見到嘅......
但我可以做d些什麼???
唔知道，唔知道，真喺唔知道......
呢排發生好多事......辛苦左好耐，忍左根耐，
今日終於忍唔住喊左一場......
唉......我唔再強求......
真心祝你幸福......
我對你嘅傷害唔知點補償比你......
對唔住......